Արմենուհի Ավագյան
Մանկավարժական գիտությունների թեկնածու (PhD), լոգոպեդիայի դոցենտ, ավելի քան 25 տարվա փորձ ունեցող լոգոպեդ, մանկավարժ, հետազոտող և սոցիալական ձեռնարկատեր։
Մասնագիտական գործունեություն
Դոկտոր Արմենուհի Ավագյանը միջազգայնորեն ճանաչված լոգոպեդ, մանկավարժ, հետազոտող և սոցիալական ձեռնարկատեր է, որն ունի մասնագիտական գործունեության ավելի քան 25 տարվա փորձ: Նրա գործունեությունը համադրում է ակադեմիական առաջնորդությունը, ապացուցողական պրակտիկայի վրա հիմնված կլինիկական մոտեցումները և ներառական կրթության ոլորտի նորարարությունները։
Դոկտոր Ավագյանը Հայաստանում «ԱՐՄԱՎ» շարունակական կրթության կենտրոնի և Կալիֆոռնիայում գործող «Արմավ Էնթերփրայզ» (Armav Enterprise) ընկերության հիմնադիրն ու տնօրենն է, որտեղ մատուցվում են երեխաների և ընտանիքների համար նախատեսված բազմամասնագիտական ու բազմալեզու ծառայություններ: Նրա աշխատանքը ուղղված է հաղորդակցական զարգացման, աուտիզմի, հաղորդակցման այլընտրանքային և լրացուցիչ միջոցների (AAC), վաղ միջամտության, ներառական կրթության և ընտանիքակենտրոն պրակտիկայի վրա:
Կոնֆերանսի թեման
Այլընտրանքային և լրացուցիչ հաղորդակցության միջոցներ/ AAC
«Pyramid Educational Consultants» ընկերությունում որպես միջազգային խորհրդատու հանդես գալով՝ դոկտոր Ավագյանը մասնագիտական վերապատրաստումներ է անցկացնում Պատկերների փոխանակման միջոցով հաղորդակցման համակարգի (PECS) և հաղորդակցման կենսական հմտությունների զարգացման ուղղությամբ: Նրա ծրագրերին մասնակցել են բազմաթիվ մանկավարժներ, լոգոպեդներ ու ծնողներ, իսկ գործունեությունն իր հերթին խթանել է մասնագիտական միջազգային երկխոսությունը՝ գիտաժողովների, հետազոտությունների և միջմշակութային համագործակցության շրջանակում:
Հարկ է նշել նաև, որ նա եղել է ԱՄՆ Ապալաչյան պետական համալսարանի Ֆուլբրայթի այցելու գիտաշխատող: